被藍絲打完右邊面,要畀埋左邊面佢打?Turn the Other Cheek to Pro-CCP Thugs?

內容: 
自由標籤: 

近日多區「連儂牆」義工被親共人士圍毆,例如七月十一號凌晨約一點,九龍灣「連儂牆」,一名中年肥佬,連環出拳重擊姓麥義工頭面,警員接報到場帶走肥佬。美港牧師卜嘉夫(Pastor Bob Kraft)向本人表示:那位義工硬食拳頭, 毫不還手,立下非常危險的榜樣, 分分鐘死人,問題係香港人被英國殖民地普通法洗腦繳械,誤以為所有暴力都錯,而老共接收英國惡法鉗制港人。牧師道:「你唔自衛,就會被人打殘,甚至打死;你還拖,最多被控毆鬥,你自己揀啦。」 本人認為另一問題係香港不少基督徒曲解馬太福音5:39耶穌話語:「如果有人打你右邊面,畀埋左邊面佢打。」原來該處耶穌講的並非毆打身體,而係侮辱誹謗。耶穌並非左膠,也曾道:我帶來的係刀劍,並非和平!(馬太福音10:34)。

聖經鼓勵我們勇武自保

事關由於大部分人都用右手, 所以打右邊面即是對方用右手手背掌摑你塊面,而根據當時猶太傳統,此乃極大的侮辱。耶穌山上寶訓(以上金句出處)就係要顛覆舊約出埃及記所謂以眼還眼,以牙還牙; 換言之耶穌勸大家勿私怨大過天, 對敵人勿心存報復仇恨(參Ben Giselbach 2014)。Bob Kraft 亦指出聖經好多章節都容許,甚至鼓勵,我們勇武保護自己以及家人家園安全,免受壞人侵害,而好多虔誠基督徒均上戰場殺敵。

耶穌並非左膠

耶穌話:我帶來的係刀劍,並非和平!(馬太福音10:34)。耶穌聖殿掃場,正是勇武抗爭。

耶穌自己都不會畀埋左邊面人打

查耶穌本身見大祭司時,被大祭司僕人掌摑,並無畀埋另一邊面其打, 反而大聲抗議 (約翰福音 18:22-23)。 同時,耶穌叫門徒出街要佩劍自衛 (馬太福音10:16; 路加福音22:36-38 )。 同樣,對於敵人,保羅亦都積極保護自己,警告他們如果非法傷害他,會有嚴重後果( 使徒行傳 23:1-3; 25:14-27 )。