參選政綱被批無新意 賀︰現屆政府未做完嘅嘢,我可以唔做咩?

特首候選人賀一誠談及自己的參選政綱被批「冇新意」。他說,參選政綱一定是要延續上一屆政府的工作,所以參選政綱不會有好多新意,「你可以天馬行空諗好多新意嘅嘢入去,但你落實唔到就係假嘅,必須實事求是。」他說︰「澳門政府只有一個,佢承諾咗嘅嘢未完成,我哋接手之後,一定要將佢完成,改善,加強。呢個係肯定嘅,唔會話將呢個全部推翻,自己去諗另外一套嘢,咁樣澳門就全部亂曬。」

賀一誠說,很多人希望他的參選政綱要有很多新意,但他認為這是不可以的。因為政府的工作要有連貫性,不可能有太多新的概念而令到大家無所適從,否則不會得市民的信任。「上一屆政府未做完嘅嘢,你可以唔做咩?唔通佢話A區要做2.8萬個公屋單位,我唔鐘意係A區,我唔鐘意做就可以改?公佈咗嘅嘢就一定要執行,只係睇你點樣做得更快和更好。呢個就係我的概念。」