警斥記者睹「私了」見死不救 記者反問「7.21點解唔幫我」即無言

內容: 

(獨媒特約報導)科大學生周梓樂疑在警方行動期間,從尚德邨停車場離奇墮樓,至昨日早上宣告不治。過萬名市民昨晚齊到將軍澳悼念,之後演變成警民衝突。警方在富康花園處理一宗「私了」事件時,更多次辱罵記者袖手旁觀、見死不救,惟當記者回應「7.21(元朗恐襲)我俾人打你有冇嚟幫我呀?」時,警員即不發一言轉身避談。

_DSC0589

警察在凌晨2時展開清場行動,過百名警員分別從唐俊街及唐德街衝去廣明苑外,驅散示威者。期間近30名持長槍的防暴一度進入富康花園範圍設立防線及搜查年輕人,約50名街坊不滿警方擅闖私人範圍,不斷高呼「搜查令」,又要求警察馬上收隊,惟警方反指居民非法集結,並向住戶及屋苑管理員噴胡椒噴霧,連在場記者亦受波及。

部份警員情緒激動,喝斥市民「都唔知係咪住喺到!」有住戶即回應:「我住呢到㗎!呢個我住戶證,你有冇呀?冇就走啦。」防暴警察之後陸續上警車離開屋苑。

_DSC0665

之後一名疑為休班警員的男住戶到場,表示因街坊指罵警員的聲浪過大,阻礙他睡覺,需報警求助。多名街坊與他口角,斥責他自私,「死咗人啦,仲掛住瞓」,雙方更一度發生肢體碰撞,情況混亂。該名男子最後被毆打至頭破血流,約50名防暴警察隨即趕到驅趕,期間發射多發胡椒球彈。

_DSC0654

有記者問到防暴警察為何來到現場,有警員激動回答,指「上網睇到有人畀暴徒打」,又斥責現場的記者及圍觀市民:「你哋全部都無人幫手,食花生,係唔係香港人嚟?你哋開心啦,打到人哋咁樣樣。」

另外,亦有一名身穿紫色上衣的便衣男警員即場「訓斥」記者,「你有第五權,第六權都冇用。依家有人俾人打你哋都唔幫手,喺度食花生。人哋俾人打咁耐你就圍咁耐。真記者唔會見到人俾人都打唔阻止 。」

惟有記者馬上反問:「你打人嘅時候我有冇阻止你呀?」該名警員隨即表示「你幾時見到我打人?」,又要記者立即離開,否則將會使用胡椒噴劑,「我要打記者,你哋全部都扮中立。」

另一名記者亦表示自己正是7.21元朗恐襲中的傷者,「我俾人打你有冇嚟幫我呀?你講咩見死不救呀?你個時做緊咩呀?」惟現場警員不敢正面回應,部份警員更轉身避談,只著記者「散啦散啦」,又有警察稱「理得你咩731、741啦」。

_DSC0759

警察之後再增援,並進入屋苑範圍搜捕,拘捕至少一名女子。期間與市民多番口角,又以粗言穢語指罵市民及記者,「咪淨係影住我哋!呢啲係記者咩?我唔覺得係喎」、「X你老母,勇武喎,過嚟囉」。至凌晨3時40分,警方登上警車離開,市民亦陸續返回住所。

記者:周頌謙、陳世浩、司徒曉霖

版權: