分類彙整:香港文章

前美軍牧師:我睇唔到香港少年軍對小朋友成長有益處

清場之後,政總外的添美道還有一班留守者。在他們心中,現在是佔領運動第一百一十六天。而這位牧師已經在此留守了整整一年,早就準備作長久抗爭。

Bob 在大埔居住二十年,冷戰時曾於美軍服役。他此時卻對「香港少年軍」非常反感。

「先唔講係咪洗腦,我以前受軍訓就只有兩個目的,一個係保護國土,另一個係訓練你去殺人。我睇唔到呢啲嘢對小朋友成長有咩益處。整呢啲有政治效忠色彩嘅少年軍係專制政府嘅特點。」

「我有兩個十幾歲嘅仔仔,喺香港出世,喺呢度長大,兩個都讀本地學校。但係政府將啲教育理念溫水煮青蛙慢慢改變梗,所以我而家真係為小朋友所受嘅教育擔憂。令我驚訝嘅係,好多人仲係不聞不問。」

他走出自己的營地,準備到灣仔警署聲援被捕學生。

「我唔會理其他人點做點諗,呢啲係佢地嘅選擇。其實,你吸收知識嘅源頭,就決定咗你嘅思想同行為。我嘅知識源頭,就係本聖經。」

一月廿一日

政總外的「添美新村」

馬丁 Martin Witness Facebook Page

妞快報:《美國狙擊手》假娃娃被抓包!網友:布萊德利庫柏演技真好

近期好萊塢紛紛推出強片,加上金球獎頒獎典禮剛結束,影迷們都開始物色下一次進戲院要看哪一部電影。而主演《美國狙擊手》的布萊德利庫柏近日也殺進奧斯卡最佳男主角入圍名單,不少人衝著帥哥演員力圖轉型演技派的他進電影院捧場。不過大家在看電影的時候有發現嗎?一個bug讓他幾乎要成為最佳男主角得獎人選…
source: Bradley Cooper In the Trailer for American Sniper – phillymag
 

就是從席安娜米勒接過孩子的這一幕,大…

觀塘音樂噴泉浪費公帑

文:To

對於觀塘果個五千萬嘅音樂噴泉,其實一直都好想寫又一直都唔知可以點寫。因為最主要原因係我同任何人一講「觀塘區議會會用五千萬起個音樂噴泉」,佢哋嘅反應都係「唔係呀嘛,起嚟做乜?」我諗大家唔太需要我寫一篇民情報告去話俾大家聽點解唔需要音樂噴泉,但網上又的而且確欠缺資料去寫偽技術文(我都算半個業界人士㗎,我公司嘅噴水池同玩水區我都有份管理,雖然只係音樂燈光果part),所以我一直都係forward 其他人嘅文就算。

不過最近睇到啟德海濱發展專責小組原來有份會議紀錄係包括咗「觀塘區社區重點項目:觀塘海濱音樂噴泉」,而且仲請咗民政事務總署同建築署做一個簡報,咁我聽咗佢果個長達49分32秒嘅會議錄音之後又想同大家分享吓,叫做等多啲人明白依家個音樂噴泉究竟搞成點。

海濱公園係邊我諗大部份觀塘人都相當清楚,唔知就麻煩大家自己google 一下。我幾鍾意建築署果位小姐對海濱公園音樂噴泉位置嘅描述:「咁會見到呢..其實呢個地方呢..um..都會有地鐵站去到,咁亦都幾方便果啲行人去到公園嘅範圍嘅。」

方唔方便呢,就真係見仁見智,叫做有條平路唔洗攀山涉水,但一定要唔少於十五分鐘嘅步行時間,穿過工業區先去到。將阿小姐嘅講法重新演繹一次就係「叫做搭地鐵之後行就會去到囉」。大家可能覺得我講呢十五分鐘路程係無的放矢,果十幾分鐘路程就嘈嘈嘈,正一廢青!但實際上觀塘人去呢個公園嘅次數真係唔多,因為佢同觀塘原本個生活圈實在太遠。「我屋企行去地鐵站都要十五分鐘啦,仲要行多十五分鐘去你個死人公園?!」就正正係真實寫照。

好啦,講返個噴泉,或者我係一直都「悔辱」咗佢,因為佢個真名係叫3D 音樂噴泉。雖然我反而想睇吓一個唔係3D 嘅音樂噴泉究竟係點,不過物理嘅嘢,我識條鐵咩。又根據建築署姐姐嘅講法,呢個係音樂燈光水霧效果配合嘅噴泉,有啲水柱射嚟射去,有啲燈呀projector 呀照嚟照去。

詳情請參考輔圖。

「umm.. 同普通嘅音樂噴泉一樣咁吸引」

我其實幾同意某位啟德海濱發展專責小組委員嘅講法,呢個係十年十五年前嘅設計,為起噴泉而起噴泉。近十年嘅新噴泉,包括星加坡、拉斯維加斯、美國迪士尼等等地方,佢哋嘅噴泉全部都有個主題,tell a story(講英文好似有說服力啲)。我自己就覺得呢個係品味嘅問題。我舉個例出嚟大家就會好明白 – 幻彩詠香江。究竟你座中銀閃吓閃下係乜意思呢?究竟你啲商場著燈熄燈,啲laser 射嚟射去又做乜鬼呢?今時今日你唔好同我講你啲水射嚟射去好高科技好勁,音樂噴泉表演個重點唔係音樂唔係噴泉,而係個表演。點樣去配合科技去整合成件事先係一個合資格嘅"SHOW"。講真你科技又唔係新,錢又唔係多,境又唔係特別靚,週邊配套又唔係好,你唔俾少少heart 去設計一個吸引到人嘅show,我都唔知你想點。

而呢個簡報或者暫時任何公開嘅資料俾我嘅感覺呢?

sorry 喎我完全feel 唔到佢嘅passion 囉。

我唔知係咪佢哋都知衰定係點,佢喺個簡報入面唔只一次講到話budget 所限做唔到太多。我都算半個業界人士都估到做到嘅嘢大約都係差唔多,都唔算係呃錢㗎啦。咁無咁大個頭,又何必戴咁大頂帽呢?一個噴泉要起幾多錢,我諗唔洗業界人士,淨係維基都可以答到你。阿潘議員(即係有個觀塘噴泉夢果位)喺佢自己個個人網頁俾咗三段噴泉嘅youtube 俾大家demonstrate一下佢果個觀塘夢。我哋即管維基百科一下:

一個係星加坡嘅Songs of the Sea,二零零七年落成造價三千萬美金。

一個係Las Vegas Fountains of Bellagio,一九九八年落成造價四千萬美金。

一個杜拜The Dubai Fountain,呢個威啦,二零零八年落成造價二億美金。

所以發夢呢家嘢啦喎,我都有個民主夢,不如一齊發呀?

不過阿啟德海濱發展專責小組委員都俾咗個好好嘅建議,佢話不如考慮吓用多啲五感,例如係觸感或者嗅覺。提議係好,但佢無睇清楚題目,呢個係3D 音樂噴泉,唔係4D 音樂噴泉。一早講到明3D 音樂噴泉就係話咗俾你聽咪洗旨意諗學果啲4D 5D 影院加埋哂啲煙呀、水呀、氣味呀、波波effect咁。

而講到點解會有呢個噴泉嘅概念嘅時候,區議會果位人兄(原諒我真係唔知佢係乜水)個解釋係咁:話說一開始諗呢一億可以點用嘅時候,四十個區議員就各自落區問吓啲街坊意見,問吓佢哋有乜期望。咁做哂問卷之後,就收咗十六個建議,所以係由下而上(佢係不斷強調,講咗四五次呢個term),非常民主咁話。

咁我唔知啲街坊係咪真係咁啱得咁橋同阿潘議員有同一個觀塘夢,定係潘議員本身就係果個街坊啦。總知最後潘街坊嘅觀塘夢就係咁由下而上去咗區議會,最後就成為咗觀塘區嘅重點項目。如果覺得我有屈佢嘅,就請自己聽返會議錄音同潘議員嘅觀塘夢訪問,樣樣係網上都可以搵到,我俾埋link 你又點話。

而佢有個講法都幾有趣。呢個project 係起動九龍東嘅第一部份,當中呢就要睇吓市民嘅反應再去決定第二三四五部份點走。佢用個terms 係"摸著石頭過河"。我唔知依家條河係咪真係咁難過,定係家陣嘅石頭真係要咁貴。我自己就唔係幾接受到一舊五千萬嘅石頭。唔知大家點睇呢?

咁起個噴水池究竟係俾咩人用呢?區議會果條友就話係本區嘅低下階層,可以有新嘅公用設施俾佢哋。但同時呢,呢個又係一個新嘅景點。係現今市民嘅公共空間愈嚟愈細嘅情況之下,區議會竟然諗到一雞兩味,一個地方既俾到普通市民生活,同時又係旅遊景點,而兩樣係可以和平共存互不干涉嘅,實在係蒼生之福。

你可以想像就係當你同你老婆同你仔仔係屋企食完晚飯之後,決定同佢哋花來回一個鐘行過去觀塘噴水池散步。當然你知道噴水池附近係無商店無餐廳無便利店,所以你已經好醒目一早帶定水呀生果呀咁樣。去到當你諗住駐足觀賞呢個一年以嚟都係千篇一律嘅噴水池嘅時候,有一大班國內旅行團團友行過,又影相又拖喼又吵吵鬧鬧。不過當然一年以嚟你哋都見慣不怪,完全打擊唔到你個仔玩水嘅興致。就係你個仔仔衝咗去個玩水區諗住濕身盡興嘅時候,你見到個強國大媽係度洗腳!咁喺呢個時刻… 你叫唔叫住個仔好呢?

潘進源議員嘅觀塘夢

簡報內容

郭家麒質疑民情報告有篩選 譚志源:不能收納每人意見

(獨媒特約報導)政府於本月初向中央提交民情報告,交代去年8月31日人大「落閘」後,至12月15日銅鑼灣佔領區清場期間,香港社會發生的事件。報告被批為「剪報」,公民黨郭家麒今日於立法會詢問當局篩選資料的準則,質疑報告不能如實反映民情。政制及內地事務局局長譚志源回應指,政府已盡量收集相關資料,包括批評言論,沒有收錄自由黨田北俊被撤銷政協資格一事,因為不一定與政制發展有關。

郭家麒:有啲剪,有啲唔剪

郭家麒表示政府於1月6日向中央提交的的民情報告,報告蒐集的資料被批評不全面,以及某些事件的摘要有欠客觀,詢問當局撰寫報告的篩選準則,並以自由黨田北俊因呼籲特首考慮辭職而被撤銷政協委員資格為例,質疑報告遺漏公眾關注的重要事件。郭家麒指社會分歧造成撕裂,政府卻視而不見,認為報告相當離譜,引批評稱報告連中小學生的報告都不如,就算是一份剪報也不合格,「有啲剪,有啲唔剪」,並稱報告的結語使不少市民失望,質問當局會否就事件道歉。

譚志源:不能保證收納每一個人的意見

譚志源回答指政制議題一直有相當爭議性,明白社會上分歧意見很大,也發生違法佔領事件,但政府已客觀如實反映意見,盡量收錄公開渠道的資料,包括政制發展相關事件、不同團體發展的相關聲明、不同機構進行的民意調查;而報告中也有參考各大傳媒相關報導,但重申當局並無進行獨立的調查核實資料的準確性,有疑問或出入之處,以相關機構公布者為準。

譚志源更質疑郭家麒有否閱讀報告,指報告的附件有加入很多學生的言論及批評,因此他絕不同意如郭家麒所指「冇利唔擺出來,有利先擺出來」,報告已盡量收錄資料,但不能保證收納每一個團體和人士所發表過的意見。對於在報告中沒納入田北俊事件,他相信田北俊呼籲特首辭職,並不一定與政制發展原因有關。

Screen Shot 2015-01-21 at 4.54.37 pm

民主黨涂謹申指有不少文章評論人大831決定違憲,卻沒在報告中收錄,使他感到政府刻意遺漏,是欺騙中央。譚志源回覆稱相信中央不會被欺騙,因為中央非常了解香港情況,而且報告中列出的民意調查也反應市民對831決定的不同看法,包括反對意見。

公民黨湯家驊質疑,當局只是政府的傳聲筒,面對社會上的分歧亳無作為,「那麼大分歧,做了什麼收窄分歧?」譚志源回應指2017年政改方案獲立法會通過的機會低,但會繼續與政黨會面、向市民講述政改,希望能收窄分歧,在基本法及831決定下發揮空間,願市民及政黨接受政改方案。

民建聯陳恒鑌詢問建立政改對話平台的進展,又指泛民早已聲明杯葛所有關於政改的討論,質疑設立平台的意義。譚志源回應稱對話平台值得探討,因為平台討論的內容不一定只討論2017年的選舉制度,也可討論2017年後的政制發展,「可以討論優化、發展的地方」,但政府先會處理2017年政改的第二輪諮詢。

記者:陳偉文

不要去羨慕,Backpacker不只是夢

不要去羨慕,Backpacker不只是夢

 

曾經,我很羨慕別人可以很瀟灑地揹著背包,遊走天下。

然後,我跟自己說「為何我不可以?」

 

從第一次隻身遠走他方到今天,原來已經兩年有多。

還記得當天跟友人說,我要背包遊到歐洲,他們都向我投以不相信及「下?咩話?」的眼神,而心裡我知道他們是有十萬個不放心。

 

畢竟,我是女生。而且當時身邊並沒有人有相似的行為。

但,我堅決起行了。

 

兩年多後,當跟友人說我要到哪兒旅行,不同的是他們已經不再驚訝我又獨自一人四處闖,而是報以「噢!今次去哪?」的見怪不怪口吻地問道。

他們好像已經習慣了我的「即慶」及「孤身走我路」。

但唯一不變的是,他們總會羨慕著我可以「懶型」地,揹著背包,就就起程就起程。

 

有時,身在異地踫到數位香港人,言談間交換了彼此的旅行模式,不少人亦會驚奇的問:「你真的自己一個?不悶嗎?危險嗎?我也想試試!」。

不要去羨慕,其實你也可以。

我不是特別的一群,也不是特別勇敢,只不過是我相信只要肯踏出第一步,任何事也有可能。

 

遊歷時,常遇到一些自己十分敬佩的背包客。

他們令我明白,世界真的很大,我不過是小小的一份子。

但千萬不要比較,因為每個人的處境、想法都不一樣。

 

我感恩,他們令我明白旅途中美麗的不只在於風景,而是如何跟來自世界各地的旅人分享大大小小的奇聞。

在分享的過程中,如何因不同的思想而被啟發。

 

我也感恩,因為旅行令我明白如何活在當下。

最初的時候,我也會買一些旅遊書,先了解當地,再好好計劃每一天大概會做些什麼。

但一次又一次的旅程,深深地令的了解到「世事無絕對」的道理。

因為天氣或其他外在因素,會全盤破壞你的計劃。

對,你永遠不知道下一秒會發生什麼事,就好好享受這一秒你擁有什麼,遊走到哪裡。

漸漸,我不再買任何的旅遊書,轉而隨便的看看網上資料。到最後,到了當地才打算下一天或下一分鐘做什麼。

 

我也感恩,當初自己肯踏出第一步。

如果,我沒有第一次的出走,也許兩年多後,我不會有第二次、第三次、無止境的遊走。

 

沒有人是特別的一群。每個人也不過是有著與別不同的一面。

 

你以為自己做不來,其實你還未找到自己不同的一面,又或者你未嘗試跳出自己的Comfort Zone。

 

有夢,就去追吧!

不要再只去羨慕。

 

 

3,150萬旅客 承載力未爆燈? 港客減少 旅局︰「黑名單」並非全因

2014年本澳入境旅客逾3,150萬人次,同比上升7.5%,高於旅遊局預計的5%,其中內地客逾六成,有21,00多萬人;韓國旅客有超過55萬人次,是首個突破50萬大關的國家。有研究認為,澳門旅客承載力的上限約為2,900萬人次,這是否意味著本澳承載力已經「爆燈」?旅遊局局長文綺華認為,現時有24小時通關和新酒店落成,警方也加緊打擊違規的士等,以及未來有填海地落成,都有助提升本澳的承載力。   文綺華表示,本澳博彩收益持續下跌,但旅客數字反而上升,顯示來澳旅客不僅是為了博彩娛樂。她初步預計今年旅客數字仍有5%增幅,農曆新年首七日亦會比去年增長5%,約100萬人次。 她認為,現時本澳在某些節假日的遊客數字會特別高,以致中區以及景點的人流非常擠擁。當局從去年開始已經改變工作重點,不再追求旅客大幅度增長,而是希望打開國際市場,吸引更多優質、能夠長時間逗留的旅客。當局會一方面發掘新的景點向旅客推介,從而帶動不同社區的經濟;另一方面亦會研究令旅客的結構變得更加多元。 至於香港旅客數字有所下跌,會否跟治安警疑用「黑名單」屢次拒港人入境,影響了本澳的旅遊形象有關?文綺華表示,香港旅客數字下跌的情況已經持續好幾年時間,她相信早年港客較多,是由於本澳有較多新項目落成,有新鮮感;亦有意見表示在澳門難訂酒店房,「香港的跌幅,不能夠單睇某一個因素。」被問到治安警屢次拒絶旅客入境,會否令當局向外推廣澳門旅遊形象的努力付諸流水?她則說︰「旅遊局工作是將澳門的形象更廣泛地推廣,香港是其中一個市場,還有其他市場要推廣。」